Kaszëbskô chrestomatiô. Wëbiér tekstów do ùczbë kaszëbsczégò jãzëka dlô sztudérów

Kaszëbskô chrestomatiô to zbiér kaszëbskòjãzëkòwëch tekstów òd Cenôwë do dzysô. Ùłożoné tematiczno – z bënowim chronologicznym abò tematicznym pòrządkã – mają pòmòc w szëkòwanim didakticznëch zajãców, a w swòjim wëbiérze „òdmalowac słowã” np. òbróbczi dzejów Kaszëbów i jich jãzëka wëdóné w 2014 rokù: Historia Kaszubów. Historiô Kaszëbów Józefa Bòrzëszkòwsczégò i Spòdlowô wiédzô ò kaszëbiznie Jerzégò Trédra, do te dofùlowac dostãpné ùczbòwniczi dlô nôstarszich szkòłowników ùsadzoné przez Felicjã Baskã-Bòrzëszkòwską i Wòjcecha Mëszka. Slédné dwa dzéle mają w se pùblicysticzné, pòpùlarnonôùkòwé i nôùkòwé artiklë (tej sej wëjimczi), w tëch òstatnëch drëkòwóné są téż tołmaczënczi, jakno że mało je jesz nôùkòwëch tekstów pisónëch przez ùczałëch pò kaszëbskù. Na kùńcu ksążczi nalôzł sã jesz gramaticzny dodôwk (spòdlowô wiédzô z fleksji i słowôrzk gramaticznëch pòzwów), przërëchtowóny z mëslą ò sztudérach, chtërny na pierszim rokù sztudiów zaczënają nôùkã kaszëbsczégò lëteracczégò jãzëka.